دوو مردن و ٥٠ تووشهاتن نوو وە کۆڕۆنا لە ناوچەیل ئیدارەی سەروەخوەیی
![دوو مردن و ٥٠ تووشهاتن نوو وە کۆڕۆنا لە ناوچەیل ئیدارەی سەروەخوەیی](https://media.shafaq.com/media/arcella/1610015437613.jpg)
شەفەق نیوز/ دەزگای تەندروسی لە ئیدارەی سەروەخوەیی کوردی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن دوو مردن لە تووشهاتگەیل کۆڤید-١٩.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: دوو مردنەگە یەک پیاو و یەک ژن بوین.
موستەفا وتیش؛ دەزگاگە ٥٠ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٢٧ پیاو و ٢٣ ژن تۆمار کرد.
تووشهاتنە نووەگان وەیجوورە بەشەوە بوین: حەسەکە ٤، قامیشلۆ ٦، دێریک ٥، دەرباسیە ١، رمێلان ١، کۆبانی ٣، ریقە ٢ ، دێر زۆر ٢، تەبەقە ٢٠، مەنبج ٦.
هەمیش ئاماژە کرد وە تۆمارکردن یەک خاسەوبوین نوو.
جی باسە ک ژمارەی تووشهاتنەگان کۆڕۆنا لە ناوچەیل ئیدارەی سەروەخوەیی رەسیە ٨٢٠٣، لەلیان ٢٨٢ مردنە و ١١٥٨ خاسەوبوینە.