دوو مردن و ١٠٣ تووشهاتن نوو وە کۆڕۆنا لە ئیدارەی سەروەخوەیی
2021-03-23T11:00:07+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن دوو مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی وت: دوو مردنەگە ئەرا پیاویگ لە حەسەکە و ژنیک لە دێریک تۆمار کریان.
موستەفا دووپات کرد ک ١٠٣ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی، ئەرا ٥٨ پیاو و ٤٥ ژن تۆمار کردنە.
تووشهاتنە نووەکان وەیجوورە بەشەوە بوین: حەسەکە ٢١، قامیشلۆ ٤٨، دێریک ٥، کەرکی لەکی ٦، رمێلان ١، دەرباسیە ٢، ریقە ٩، تەبەقە ٥، دێر زۆر ٤، کۆبانی ١، کامپ هۆل ١.
جی باسە، ژمارەی تووشهاتنەکان وە کۆڕۆنا لە ناوچەیل ئیدارەی سەروەخوەیی رەسیە ٩٢٢١، ٣٥٨ لەلیان مردنە، و ١٢٧٤ خاسەو بوینە.
