دوو حزبە کوردیەگە بەیاننامەیگ هاوبەش دەرکەن.. رێککەفتن لە باوەت بەغداد
شەفەق نيوز- هەولێر
دوو حزبە کوردیەگە لە هەرێم کوردستان، هەرلە پارت دیموکرات کوردستان وە سەرکردایەتی مەسعود بارزانی، یەکێتی نیشتمانی کوردستان وە سەرکردایەتی بافڵ تاڵەبانی، ئمڕوو دووشەممە، گردەوبوینیگ ئەنجام دان، لەناوی رێککەفتن لەبان وەردەوامی دانوسەنین و گفتوگۆکردن ئەرا چارەسەرکردن پرس مووچەی فەرمانبەرەیل، و باوەتەیلیگ ترەک.
لە بەیاننامەیگ هاوبەش لەلایەن دوو حزبەگە کە رەسیە ئاژانس شەفەق نیوز وت: دویای باسکردن و شیەوکردن رەهەندەیل سیاسی و ئابووری و کۆمەڵایەتی، هەردوگ لایەن رێککەفتن لەبان خەسەوکردن تەقەلایل ئەرا چارەسەرکردن گیچەڵەگە و دابینکردن مووچەی فەرمانبەرەیل و شایستەیل هەرێم کوردستان، لە چوارچیوەی دەستور و هاوکاری هاوبەش ناوەین دوو لایەن.
بەشیگ ترەک لە دیدارەگە ئەرا باسکردن لە پاڵپشتیکردن پەیوەندییەیل ناوەین پارتی و یەکێتی دیاری کریا، ئەرا وەپشتسەرنان سەختیەیل و ریگریەیل و مقیەتیکردن قەوارەی هەرێم کوردستان و دەسکەفتەیلی.
گردەوبویەیل دووپات لە گرنگی یەکخستن هەڵوێستەیل ناوەین حزبەیل سیاسی کوردستانی و عراقی کردن ئەرا وەپشتسەرنان و چارەکردن ئی گیچەڵە.
