دوو پارێزگا و ئیدارەیگ سەروەخوەی لە کوردستان ئاشکرای هووکار بەرزەوبوین نرخ مامر کەن

شەفەق نیوز/ کێلگە پەلەوەرەیل سلێمانی و هەڵەبجە و گەرمیان، ئمڕوو دووشەممە، هووکار بەرزەوبوین نرخ مامر ئەرا بڵاوبوین بیماری و بەرزەوبوین نرخ دان گلەودەن. 

نازم عەبدوڵا جاف، وەڕێەوبەر کێلگەی پەلەوەر لە پارێزگایەیل سلێمانی و هەڵەبجە و ئیدارەی گەرمیان لە بەیاننامیگ رەسیە ئاژانس شەفەق نیوز وت، "70% لە مامرەیل لەوەر بیماری ( نیوکاسل دامبرو) لەناوچینە ک بیمارییگە تایبەت وە کێلگە پەلەوەرەیل". 

لەباوەت بەرزەوبوین نرخ مامر دیاریکرد، " لە وەرین نرخ یەک تەن لە دان 410 دۆلار بوی و ئیسە رەسیە 700 دۆلار و نرخ یەک تەن گاز ئەرا 420 هەزار دینار تا ملیۆنیگ بەرزەوبویە، ئیەش زەرد ماددی فرەیگ وە خاوەن کێلگەیل پەلەوەر رەساننیە. 

وتیش" نرخ کیلویگ مامر لەلای خاوەن کێلگەیل پەلەوەر 3250 دینارە لەوەر بەرزی نرخ دان.  

دیاریکرد" ئەرا چارەسەرکردن بیماری مامڕ حکومەت هەرێم کوردستان لە رێ وەزارەت کشاوەرزی لە یەکیگ لە وڵاتەیل پێشکەفتی ڤاکسین دروسکەێد ئەرا نواگیری لە ناوچین مامر".