دهۆک یەکەمین ماشین کارەبایی جویر تەکسی خەێدە کار
شەفەق نيوز/ فەرمانگەی هاتوچو دهۆک، ئمڕوو یەکشەممە، هاتن یەکەمین ماشین کارەبایی ئەرا ناو ماشینەیل تەکسی لە پارێزگاگە راگەیان، لە گامیگ کە یەکەمە لەیجویرە، وە ئامانج گەشەپیدان کەرت گواستەوەی گشتی، و کەمەوکردن تەکان کاربۆنی، دویای دەرچگن بڕیاریگ فەرمی لە وەزارەت ناوخۆ لە حکومەت هەرێم کوردستان.
عەقید ئازاد تەها وەرپرس راگەیانن هاتوچو دهۆک ئەرا ئاژانس شەفەق نیوز وت: یەکەمین ماشین کارەبایی لە تایبەت کریا تەکسی فەرمی، و دەسەوکارەو بوی لەناو کڕەیل گواستەوە لەناو پارێزگاگە.
وتیش: ئی گامە لە جیوەجیکردن بڕیار نوو ئەرا ریداین وە رانندەیل تیەێد کە ماشینەیل کوینەیان ئاڵشت بکەن وو ماشین کارەبایی، وتیش: یەکەم جار ماشین کارەبای نوو سینێد، ئیجا شمارەی ماشینە کوینەگەی کەێدە تایبەت، تا شمارە نووەگە هن ماشینە کاراییەگە بوودە تەکسی فەرمی، وەبی خەرجکردن باجیگ زیاتر، لە پاڵپشتیکردن حکومەت ئەرا وەکارهاوردن ماشینەیل وزەی پاک.
تەها وتیش: بڕیارەگە وەڵامدان فراوانیگ لەلای رانندەیل تەکسی وەخوەی دی، کە لە ماوەی ئی رووژەیل دویاییە، شمارەی گەورەیگ لە داوای ئاڵشتکردن ماشینەیل کوینە ئەرا فەرمانگەگە هات، کە مەزەنە کریەێد دەسمیەتی بەێد لە خاسەوکردن ئاست خزمەتگوزاری، کەمەوکردن پیسبوین ژینگە، و داوەزیان خەرج وەکارخستن ئەرا مەودای دویر.
