ئەدهەم بارزانی لە لێداونی لەبان رووداوەیل سلێمانی: رەوشەگە لەیە زیاتر هەڵنێگرێد

شەفەق نیوز/ ئەدهەم بارزانی سەرۆک وەرین ئەنجومەن سەرکردایەتی پارت دیموکرات کوردستان لە سلێمانی و هەڵەبجە، هووشداری دا لەی رەوشەیل ئیسە ک هەرێم کوردستان وەپیان رەد بوود، لە ئاماژەیگ ئەرا ئەو ڕووادوەیلەگ وەگەرد ناڕەزایەتیە تۆڕەگان لە سلیمانی بوین.

بارزانی لە پەیامیگ بڵاوی کرد وت: وەگورەی گشت تۆێژینەوەگان هەرێم کوردستان رەد بوودە رەوش فرە ناسکیگ، و باوەتەگە وەبی پەیاکردن چارەسەریەییگ لەوە زیاتر هەڵنێگرێد، وتیش؛ ئەوەگ لە سلێمانی روودا، هەڵوێست و چارەسەری جدییگ خوازێد.

وتیش؛ بایەدە وە ئاشکرایی بکەفیەێدە شوون راسیەگان، و وەگشت ئاشکراییگ وەگەرد گەلەگە رەفتار بکریەێد.