دهۆک پەیمان سزای تونیگ ئەرا بازیکەرەیل وە نرخەیلە دەێد
![دهۆک پەیمان سزای تونیگ ئەرا بازیکەرەیل وە نرخەیلە دەێد](https://media.shafaq.com/media/arcella/1646651369976.jpg)
شەفەق نیوز/ پارێزگای دهۆک لە هەرێم کوردستان، ئمڕوو دوشەممە، پەیمان جیوەجیکردن سزای تونیگ دا وەرانوەر ئەو بازرگانەیلە بازی وە نرخەیلە کەن.
پارێزگار دهۆک عەلی تەتەر لە کۆنگریگ رووژنامەوانی لەدۊای کۆبۊنەوەیگ وەگەرد دەسەی ئابووری لە پارێزگاگە، ک ئاژانس شەفەق نیوز ئادەبۊی وت؛ هەرکەسیگ هەڵسێد وە بەرزەوکردن نرخەیل شتومەکەیل رۊیوەرۊ سزای تونیگ کەێمن، وتیش، حکومەت فیدراڵی گرێبەسی وەگەرد ئەو کۆمپانیایەلە بەسییە ک هەڵسن وە ئامادەکردن مادەیل بەشە خوەراک مانگانە ئەرا ماوەی پەنج ساڵ.
تەتەر داوا کرد، دەزگایەیل راگەیانن وە وریایی وەرپرسیارەتی مامەلە وەگەرد باوەتەگە بکەن، چۊنکە باوەتەگە مرۆڤایەتیە و پەیوەندی وە توانای مەردم دیرێد.