دهۆک ئاڵشتبوود ئەرا تابلۆیگ چەرمگ.. دیمەنەیلیگ لە دڵ زریانەگە (وینە)
شەفەق نیوز/ پارێزگای دهۆک لە هەرێم کوردستان، لەماوەی ئێ هەفتە دویەم شەپوول وەفر وارین خەسیگ وەخوەی دوینێد.
لە فرەیگ لە ناوچەیل بڕیگ فرە وەفر واریە، لەناویانیش ناحیەی کانی ماسی سنووری سنوور سەرزێر هاوسنوور وەرد تورکیا، وەگەرد ناوچەیل لەبان کویەیل گارە و مەتین.
کەمال محەمەد شەریف، وەرپرس ئیدارەیخاسەوکردنریوبانەیل پارێزگای دهۆک ئەرا ئاژانس شەفەق نیوز دووپاتکرد، تیمەیل وەفر لاوردن تا ئیسە کارکەن ئەرا وازکردن رییەیل سەرەکی ناوچەگە، وەگەرد دویزکردن سەرەکی وەبان ناوچەیل کانی ماسی و ئاوای بەرئاشتی و سبینداری لە کنار کویەی گارە باکوور دهۆک.
وتیش؛ تیمەیل پاکەوکردن توەنستنە ریەیل ناوەین کانی ماسی و سنوور سەرزێر پاکەوبکەن، کە بەرزی وەفر کووەوبوی نزیکەی 30سم بویە وەگەرد ری ناوەین کانی ماسی و بریفکا کە وەفر رەسیەسە 20سم هەمیش ری سۆرتوکا لە کویەی گارە.
دیاریکرد، وەفر وارین لەناوچە جیاوازەیل پارێزگاگە وەردەوامە، مەزەنەیش کرێد تا شەو وەردەوام بوود.
