درویژترین ماوەی خەفتن.. بیماریگ دویای پەنج ساڵ لە بیهووشی لە خەسەخانە دەرچگ
یاوەر وەڕیەوبەر گشتی تەندروسی کەرکوک زیاد خەڵەف مەدید ئەرا ئاژانس شەفەق نیوز وت: خەسەخانەی ئازادی لە پارێزگای کەرکوک درویژترین ماوەی خەفتن لە میژووی توومار کرد، ئەرا گەنجیگ لە تەمەن ٢٤ ساڵان، کە لە ساڵ ٢٠١٩ تویش رویداویگ هاتوچو هاتگە.
وتیش: بیماریەگە نزیکەی پەنج ساڵ لە خەسەخانە خەفت، و لەناو کۆما بوی، و تیمەیل خەسەخانەگە چەویان وەپیەو بویە، و ئمڕوو دووارە تیەێدە هووش خوەی، و توەنیمن بویشیمن بە درویژترین ماوەی خەفتنە لە خەسەخانە.
بەڵێن عومەر حەمە وەڕیەوبەر خەسەخانەی ئازادی لە بەیاننامەیگ وت: ئەو بیمارە وەناو ح . م لە ساڵ ٢٠١٩ هاتیەسە خەسەخانەی ئازادی، و زیاتر لە ٤ ساڵ وەتەواوی بیهووش بوی.
وتیش: ئیرنگە دویای چوار ساڵ و هەشت مانگ لە چەودیاریکردن وەردەوام وەلایەن ئیدارەی خەسەخانەگە و تیمەگە، و دویای وەهووشهاتنی وە ئارەزوو باوانی لە خەسەخانە دەرچوود، و ئەرا ماڵ خوەیان لە ناحیەی سەنگاو قەزای چەمچەماڵ سەروە پارێزگای سلێمانی گلەو خوەێد.
