دراوردن تەرم گەنجیگ کە لە لافاوەگەی دهۆک نقوم بوێد
2024-04-20T14:22:26+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە دراوردن تەرم گەنجیگ کە لە لافاوەگەی پارێزگای دهۆک لە هەرێم کوردستان نقوم ببوی.
سەرچەوەگە وە ئاژانس شەفەق نیوز وت، "گەنجەگە کووچکردگەگە ناوی رۆژڤان ئیدریسە و تەمەنی 16 ساڵانە و دانشتگ کۆمەڵگەی خانکێ بوی کە وەشیوەی سەرەکی لە پێکهاتەی ئێزیدی پێکهاتیە".
ئاشکەرایکرد "قوربانیەگە وە نقوم بوین لە لافاوەگە خنکیاگە کە لە پارێزگای دهۆک رویدا لە نۆزدەی مارس وەرین".
لەلایگیش باوگ قوربانیەگە وە ئاژانس شەفەق نیوز ئاشکەرایکرد، "گشتمان ماوەی 31 رووژەی مینەی کوڕەگەمن کردیمن و لە شەوەکی ئمڕوو پەیوەنیگ وەپیمان کریا لەباوەت پەیابوین تەرم نەناسریایگ لە چەم دیجلە، دەسوەجی ئەرا ئەو شوینە چیمن و تەرمەگەی ناسیمنەو".
