داوا ئه‌كريه‌ێد شانديگ په‌رله‌مانى له‌ هه‌رێم كوردستان سه‌ردان توركيا بكا

بافى له‌ به‌ياننامه‌يگ ئه‌را(شه‌فه‌ق نيوز)ئه‌وه‌ ده‌رخست ك پيشنيار ئه‌را په‌رله‌مان كوردستان كردگه‌ وه‌رپرسيارێتى نيشتمانى مێژوويى بارێده‌ كار و شانديگ دامه‌زرنێد له‌ فراكسيۆنه‌يل و قه‌واره‌و حزبه‌يل جياجيا ئه‌را سه‌ردان په‌رله‌مان توركيا وه‌خاتر تاوتويكردن په‌لاماره‌يل سه‌ربازى ئه‌و وڵاته‌ له‌بان هه‌رێم كوردستان و ره‌سين ئه‌را چاره‌سه‌ريگ و ئه‌را وساننه‌وه‌ى ئه‌و په‌لاماره‌يله‌ ك له‌لايه‌ن حكومه‌ت توركيه‌و ئه‌نجام ئه‌دريه‌ێد.

بافى هه‌ميش وت: ئى گامه‌ شايه‌ت بدێده‌ مايه‌ى ده‌سهه‌ڵگرتن له‌ چه‌ك و ژيان ئاسايى بايده‌و ئه‌را ناوچه‌يل مه‌رزى و مه‌سه‌له‌ى ئاشتى سه‌رله‌نوو ده‌س وه‌پى بكا.