داعش پەڵپ سەرانە وەرانەوەر رفیاگەیل گەرمیان گرێد

2023-01-25T09:59:20.000000Z

شەفەق نیوز/ سەرچەوەیگ وەرپرس لە ئیدارەی سەروەخوەی گەرمیان لە هەرێم کوردستان، ئمڕوو چوارشەممە، ئاشکرای پەڵپەیل سەرانەی رخەبەریگ وەلایەن ریخریاگ داعش وەرانەوەر دوو شوان رفیاگ هەفتەی گوزەشتە لە دەورگرد قەزای کەلار کرد.

سەرچەوەگە ئەرا ئاژانس شەفەق نیوز وت: ئەندامەیل داعش پەڵپ لە کەسوکارەیل دووان لە شوانەیل پەس گردیە ک لە نزیک قڵای نزیک ناحیەی نۆجول لە دەورگرد قەزای کفری رفیانە، وەرانەوەر پویل فرەیگ تا مەرەقەزیان بکەن. 

وتیش: ریخریاگ داعش داوای ١٥٠ هەزار دۆلار وەرانوەر هەر یەک رفیاگ کردنە، و خەوەریگ تر باس زیاتر لەو پویلە کەێد، ک زیڕە خستیەسە ناو دڵ کەسوکار و خیزان رفیاگەیل.

وتیش: ئەندامەیل ریخریاگ داعش پەڵپ سەرانە کەێد و هەڕەشەی کوشتن رفیاگەیل دەرد ئەگەر ئەو پویل سەرانە نەیەن، وتیش؛ دەزگا ئەمنیەیل وەردەوامن لە وەشوینکەفتن و مینەکردن ئەرا ئازادکردن رفیاگەیل.

ناوچەیل دەورگرد کفری، لە ماوەیل گوزەشتە، رفیان کشاوەرزەیل و شوانەیل وەخوەی دی، لە ئەنجام تەقەلای داعش تا پویل بکەفێدە دەسی، دویای تەنگەوکردن و لەناوبردن سەرچەوەیل سپۆنسەرکردنی وەلایەن هیزەیل فیدراڵی و یشمەرگە.

Shafaq Live
Shafaq Live