داعش دو براى وه‌يه‌كه‌و رفياێ له كفرى وه پاره ئازاد كرد
2020-02-16T08:38:11+00:00
شه‌فه‌ق نيوز/ ريكخرياگ تيرۆريستى داعش هه‌ردوگ برا هێمن جه‌لال و قانع جه‌لال وه بڕ 70 هه‌زار دۆلار ئه‌مريكى ئازاد كرد دوياى رفاننيان ئه‌را ماوه‌ى 16 رووژ.
ئه‌و هه‌ردوگ برا له يه‌ك ئى مانگ شووباته له‌بان رێ كفرى - زه‌نانه له‌لايه‌ن چه‌كداره‌يل تيرۆريستى داعشه‌و رفياوێن.
جى باسه، كه‌س وكار ئه‌و هه‌ردوگ برا تويه‌نستن بڕ 70 هه‌زار دۆلار ئه‌مريكى گرده‌و بكه‌ن و وه‌رانوه‌ر ئه‌و پويله ئه‌و رفياگه‌يله وه‌پى ئازاد بكه‌ن، ك هه‌ردوگ براگه‌يش خه‌ڵك قه‌زاى كفرى و هه‌ر يه‌كيگ له‌ليانيش سێ مناڵ ديرێد.
