ئیدارەی سەروەخوەیی.. ٥ مردن و ٢٤٨ تووشهاتن وە کۆڕۆنا
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن پەنج مردن وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنەکان ئمڕوو ئەرا دوو پیاو لە تەبەقە و ژنیگ لە حەسەکە و ژنیگ لە قامیشلۆ و ژنیگ تر لە دێرک تۆمار کریان.
جوان خان دووپات کرد ک ٢٤٨ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا ئەرا ١٤٧ پیاو و ١٠١ ژن تۆمار کریا.
تووشهاتنە نووەکان وەیجوورە بەشەوە بوین؛ ٥٧ حەسەکە، ١٣٠ قامیشلۆ، ٣٦ دێرک، ٦ دەرباسیە، ١٨ ریقە، ١ لە کامپ هۆل.
وتیش؛ ١٧ خاسەوبوین نوو تۆمار کردن.
وەیەوە گشت ژمارەی تووشهاتنەکان وە ڤایڕۆس کۆڕۆنا لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٣٠٠٤، لەلیان ٤٣٧ مردنە، و ١٣٩٩ خاسەو بوینە.
