دارایی هەرێم دەسکەێد وە دابەشکردن دەرماڵەی خوەنەوارەیل زانکۆ و پەیمانگا لە گەرمیان

شەفەق نیوز/ سەرچەوەیگ ئمڕوو یەکشەممە خەوەردا لە خەرجکردن بیمەی مانگانەی خوەنەوارەیل زانکۆ و پەیمانگایل لە گەرمیان.  

سەرچەوەگە وە ئاژانس شەفەق نیوز وت؛ وەزارەت دارایی و ئابووری لە حکومەت هەرێم کوردستان بڕیاردایە دەرماڵەی مانگانەی خوەنەوارەیل زانکۆ و پەیمانگایەیل گەرمیان خەرج بکەێد لە ماوەی چەن رووژ ئایندە.    

ئەنجومەن وەزیرەیل هەرێم کوردستان لە مانگ شوبات گوزشتە رەزامەنی دا وە خەرجکردن شایستەیل خوەنەوارەیل زانکۆ و پەیمانگا وە هیمەێ 40 هەزار دینار مانگانە ئەرا خوەنەوارەیل ناو شار و 60 هەزار دینار خوەنەوار دەیشت شار سەر وە پارێزگاگە، شایستەڤدارایەیل بودجەی زانکۆ و پەیمانگایەل لە سەرەتای کانون دویەم 2022 دەسوەپی کرد ئەرا ساڵ خوەنستن 2021 ـ 2022.