دادگای کەلار فەرمان وەسێدارەدان دەرکەێد لەبان تاوان کوشتن گەنجیگ ئەرا دزیکردن
شەفەق نیوز/ دادگای تاوانەیل کەلار، ئمڕوو دووشەممە، فەرمان وەسێدارەدان لەبان دوو توومەتبار دەرکرد، کە توومەتبارن وە کوشتن گەنجیگ وامان عەبدولڵا ساڵح، لە رویداویگ کە ساڵ گوزەشتە شارەگە لەرزان.
سەرچەوەیگ ئەرا پەیامنێر ئاژانس شەفەق نیوز وت: دادگای تاوانەیل کەلار، دانیشتنی ئەرا باوەت کوشیان عەبدولڵا ساڵح ئەنجام دا، کە گەنجیگە خەلک شارەگە، وەدەس چەن کەسیگ لە برادەرەیلی لە کۆتایی ساڵ گوزەشتە کوشیا.
سەرچەوەگە وتیش: دادگای لە بڕیارەگەی پشت وە مادەی 406 لە یاسای سزادان عراقی بەسا، کە سزای وەسێدارەدان لەبان کوشتن ئەنقەست چەسپنێد.
ئەو توومەتبارەیلە، لە رووژ 30 مانگ گوزەشتە، قوربانیەگە ئەرا دەیشت شارەگە بردنە، و ئەرا دزیکردن ماشینەگەی کوشتنەسەی، و دویای چەن رووژیگ لە تاوانەگە، دەسەڵاتەیل توەنستن توومەتبارەیل دەسگیر بکەن.
ئی پرسە چوودەو ئەرا رویداویگ رای گشتی لە شار کەلار لە کۆتایی ساڵ گوزەشتە هاوردە دەنگ، کە تەرم ئەو گەنجە (عەبدولڵا ساڵح) دویای چەن رووژیگ لە دیارنەمانی پەیا کریا، و لێکۆڵینەوە ئاشکرا کرد کە تاوانەگە ئەرا دزیکردن بویە، کە تویڕەیی گەورەیگ لە شارەگە دروس بوی، و داوای جیوەجیکردن دادپەروەری وە زبری کریا وەرانەور ئیجویر تاوانەیلیگ.
