دادگای عراقی وەسەرهات ژنیگ رزگاربوی ئێزدی توومار کەێد کە وە دەس "ئەبو يەحيا ئەڵمانی" رفیاس
شەفەق نيوز/ ناوەند نیشتمانی هاوکاری دادوەری ناودەوڵەتی، ئمڕوو یەکشەممە، گووشگردن ئەرا قسەیل وەسەرهات یەکیگ لە ژنە رزگاربویەیل ئێزدی راگەیان، ئەوەیش وەڕی تەکنیک "ڤیدیۆ کۆنفرانس".
وەگورەی بەیاننامەیگ لە ناوەندەگە، گووش لە قسەیلی لە دانیشتن دادگا گریا، کە لە هەفت ئایار وەڕیەو چگ، دویای تەواوکردن ریکارەیل یاسایی ولایەن دادگای لێکۆڵینەوەی کەرخ یەکەم.
وتیش: ئەنجومەن دادوەری باڵا، داواکاری دەسمیەتی یاسایی لەلایەن دادگای بنەڕەتی لە شار بريشتينا/ كوسۆفۆ وەبان تاوانکار ديرنجانی وەرگرد، کە کەسی لەناو تاوانەیل و دەسدرویژی کەورەیلیگ بویە، مەوقەی کارکردنی وەرد داعش تیرۆرست لە عراق و سوریا.
بەیانامەگە وتیش: دویای هویربینین داتایەیل ئەرشیڤ لەلای ناوەند نیشتمانی هاوکاری دادوەری ناودەوڵەتی، ئەو خانمە قوربانی عراقیە دەرکەفت، کە یەکیگە لە رزگاربویەیل ئێزدی، کە تویش تاوان رفانن و کویلەکردن و دەسدرویژیکردن هات وەدەس تاوانکار ئەبو یەحیا ئەڵمانی، کە دەسی هاناو تاوانەیل دژوە مرۆیی و جینۆساید.
لە ئاب 2014، ریخریاگ داعش پەلامار فراوانیگ لەبان قەزای شنگال ئێزدینشین جیوەجی کرد، و چەکدارەیلی تاوانەیل جینۆساید ئەنجام دان.
لە تشرین دویەم 2015، هیزەیل پیشمەرگە توەنستن داعش لە شنگال دەرکەن وە دەسمیەتی هاوپەیمان ناودەوڵەتی.
لە ئاب 2017، حکومەت عراق دەرکردن ریخریاگ داعش لە پارێزگای نەینەوا راگەیان، ئیجا لە کۆتایی خود ساڵ، سەرکەفتن لەبان داعش راگەیان.
