خەڵک هەولێر ماڵئاوایی لە حەیدەر فەیلی کەن
2023-05-10T10:03:39+00:00
شەفەق نیوز/ دەیان لە وەرپرسەیل حکومەتی و حزبی و لە خەڵک هەولێر، ئمڕوو چوارشەممە، ماڵئاوایی لە حەیدەر فەیلی سەرکردە لە حزب شیوعی کوردستانی- وەزیر وەرین گواستنەوە و رەسانن لە حکومەت هەرێم کوردستان کردن.
رووژ پەنجشەممەی گوزەشتە، دویای ململانەی درویژیگ وەگەرد بیماریەگە، حەیدەر فەیلی کووچ دویایی کرد.
حەیدەر شێخ عەلی غوڵام ک ناسریاگە وە حەیدەر فەیلی، لە ساڵ ١٩٤٧ لە بەغداد پایتەخت لەداڵگبویە، و لە کابینەی چوارەم لە حکومەت هەرێم کوردستان ناوبەین ساڵەیل ١٩٩٩ تا ٢٠٠٦، وەزیر گواستنەوە و رەسانن بوی.
