خەڵک پێنجوێن رەخنەی نرخ نرخ نەفت حکومەتی کەن
![خەڵک پێنجوێن رەخنەی نرخ نرخ نەفت حکومەتی کەن](https://media.shafaq.com/media/arcella/1666262477446.jpeg)
شەفەق نیوز/ هاووڵاتییەیلیگ لە قەزای پێنجوێن سەروە پارێزگای سلێمانی، ئمڕوو پەنجشەممە، رەخنەی نرخ نەفت چەرمگ لەلایەن وەزارەت سامانەیل سروشی لە هەرێم کوردستان کردن.
بڕیگ لە خەڵک پێنجوێن لە وەردەم بینای قایمقامیەت قەزاگە گردەو بوین، لەوەر گرانی نەفت چەرمگ حکومەتی لەلاییگ، و لەلاییگتر لەبان کەم نەفتی لە ناوچەگە.
ناڕەزایل لە بەیاننامەیگ رەسیە ئاژانس شەفەق نیوز وت ن: داوا لە ئیدارەی پێنجوێن کەیمن ناڕەزاییمان بڕەسنێدە ئەنجومەن وەزیرەیل، چوینکە کەم سوتەمەنی هەڕەشەی ویرانکردن دارسانەیل ناوچەمان دەێد، ک زەرەد وە ژینگە و سروشت ناوچەگەمان رەسنێد.
وتنیش: داوا لە حكومەت هەرێم کوردستان کەیمن داوایلمان جیوەجی بکەن، تا تویڕەیی خەڵک ناوچەمان بەرزەو نەوود، و هوشداری لە کاردانەوی تویڕەیل لەلایەن خەڵک قەزای پێنجوێن دان.
هەمیش داوای دروسکردن دەسەیگ لێکۆڵینەوە ئەرا گرفتەیل قەزاگە کردن لەلایەن جیوەجینەکردن هویچ پڕۆژەیگ خزمەتگوزاری لە هەشت ساڵ گوزەشتە، جویر زیایکردن بەش گاز ئەرا وەرز زمسان، و تەواوکردن ری پێنجوێن – سلێمانی، و باشماخ – پێنجوێن.
ئیدارەی قەزای پێنجوێن، دووپات لە پاڵپشتیکردن داوای خەڵکەگە کرد چوینکە داوایلیگ حەقە، و دیاری کرد ک ئەوەسا بەشەوکردن نەفت وسنێد تا وەزارەتەگە دووارە بنووڕێدە نرخەیلی.