خەسەخانەیل سلێمانی لەوەر دیرکەفتن مووچە کارکردن وسنن
2024-10-02T09:35:05+00:00
شەفەق نیوز/ قائیمقامیەت قەزای پێنجوێن لە سلێمانی، ئمڕوو چوارشەممە، راگەیان پزیشکەیل خەستەخانەی گشتی لە قەزاگە دەسکردنەس وە مانگردن لە ئەنجام دیرکەفتن مووچەیلیان ئەرا زیاتر لە 80 رووژە، لەی ماوە تەنیا یک مووچەش وەرنەگیریاس.
پزیشکەیل ناڕەزایی خوەیان لەی باوەتە نیشاندان وە ناپەسن وەسفی کردن، دووپاتکردن یە دویەم مانگردنە خەستەخانەگە لەماوەی ئمساڵ وەخوەیەو دیەسێ.
لە بەیانیگ ئەرا ئاژانس شەفەق نیوز هێمن ئبراهیم قائیمقام قەزای پێنجوین ئاشکەرایکرد، پزیشکەیل بڕیار مانگردن لە کار دانە جویر کاردانەوەیگ وەرانوەر وەردەوامبوین قەیران مووچەو دیرکەفتنی، کە بارودۆخ ئابووری کراکارەیل کەرت تەندروسی بەدترەوکردیە، لە ئەنجام فرەیگ لە خزمەتگوزاریەیل پزیشکی لە خەستەخانەگە پەکیکەفتیە بیجگە لە وەرگردن حالەتەیل لەناوکاو جویر رویداوەیل سەخت و سزیان.
