خەڵک خانەقین داوای گلەوخواردن ئاسایش کەن
شەفەق نیوز/ خەڵک شار خانەقین، ئمڕوو شەممە، داوا لە سەرۆک وەزیرەیل و وەزارەتە ئەمنیەیلە کردن هێزەیڵ ئاسایش ئەرا قەزاگە گلەو بخوەن، و بەشداری لە وەڕیەوبردن باوەت ئەمنی بکەن، ئەوەیش لە پشت رووداوەیل کوشتن و تەقەینەوە ک شارەگە وەخوەی دی.
عەباس مەحموود ئەندام مەڵبەند یەکێتی نیشتمانی کوردستان لە خانەقین ئەرا ئاژانس شەفەق نیوز وت: گلەوخواردن ئاسایش داوکارییگ جەماوەریە ئەرا مقەیەتیکردن ئاسایش و ئارامی کۆمەڵایەتی و نواگردن رەسین پەتای کوشتن و تەقینەوەیل مەرگ لچکیاگ و دانریاگ ک لە خانەقین لە ساڵ ٢٠٠٣ تا تەشرین یەکەم ٢٠١٧ وەخوەی نەیە.
مەحمود وتیش؛ ئاسایش جی متمانە و دڵنیایی خەڵک خانەقینە، لەو سەرکەفتنەیل ئەمنی وەرینە ک وە دریژایی ساڵەیل گوزەیشتە چەسپیا، تا رووداوەیل تەشرین یەکەم ٢٠١٧، وتیش؛ گلەوخواردن ئاسایش ئەوەسا هاوکاری لە زانیاریەیل گورجیگ وەگەرد خەڵک خانەقین هەکاتی رەوشەیل وەرجە ٢٠١٧ دروس کەێد.
وەرپرسە سیاسیەگە پرسیار کرد ک ئایا چوین ٣ رووداو ئەمنی لە ماوەی ٧٢ ساعەت لە خانەقین روی دا، لەبان ئەو هەمکەی خاڵەیل وەشکینە لەناو قەزاگە لە دەزگایل ئەمنی و هێزەیل حەشد ؟.
هەمیش باس کرد ک خلتەقیەت لە سەردەمید ئاسایش لە ماوەی ٢٠٠٣ تا ٢ج١٧ هیچ بومبیگ دانریاگ یا لچکیاگ لەناوی نەوی، و داوا لە دەسەڵاتەیل ئەمنی کرد چارەسەر هەڵەی ئەمنیەیبە و هەڕەشەیل لەبان ئاسایش کۆمەڵایەتی لە خانەقین بکەن، و خوازین و داواکاریەیل خەڵکەگە وە بەشداریکردن ئاسایش لە باوەت ئەمنی جیوەجی بکەن و دڵنیایی بخەنە ناو شار پێکەوەژیان (خانەقین).
