خەڵک خانەقین داد لە دەس "زیڕەی شەوانە" لە دەنگ گولەی دەسچگەیل کەن
شەفەق نیوز/ خەڵک دەورگرد شار خانەقین، ئمڕوو چوارشەممە، داد لەدەس زیڕەی شەوانەی وەردەوامیگ کردن لەدەس ئەو تەقەی گولەی هەڕەمەکی لە دەورگرد ناوچەی مەنزەریە.
رامی حوسام یەکیگ لە چالاکوانەیل ئەرا ئاژانس شەفەق نیوز وت گەڕەکەیل نیشتەجیبوین لە ناوچەی مەنزەریە، بویەسە سەنگەر جەنگ شەوانە لەوەر ئەو گولەی فرە لە چەکەیل جیاجیا، ک لەلایەن کەسەیلیگ دەسیان چوود لە نزیک مەنزەریە لەبان ری مەرزەگە وەشننەی، و رەوش شەوانەی خەڵکەگە وە "زیڕە" باس کرد.
حوسام داوا لە دەسەڵاتەیل ئەمنی کرد نواگیری ئەوانە بکەن ک رخ و زیڕە خەنە ناو دڵ مەردمەگە لەوەر ئەو ئاژاوەی کۆمەڵایەتیە ک نشانەی پرسیار گەپیگ دروس کەێد.
وتیش: خانەقین لە سیمایل دەیشت لە یاسا دویرە، ک هەر وە ئارامی کۆمەڵایەتی ناسریاوێد، باوجی ئەو رەوشەیل ئیسە لە دەورگردی دووارە نووڕستن و چارەکردن ئەمنی گونجیاگ خوازێد تا خەڵکەگە دڵنیا بوون.
