خوەنین باڵا: گشت خوەنەوارەیل ناوچە دابریاگەیل لە زانکۆ و پەیمانگەیل هەرێم وەرگیریانە
شەفەق نیوز/ وەزارەت خوەنین باڵا و توێژینەوەی زانستی حکومەت هەرێم کوردستان راگەیان، وە بڕیار وەزیر خوەنین باڵا ، 100% دەرچگەیل ناوچە جی ناکۆگەیل وەرگیریانە کە شمارەیان هەزار خوەنەوار بوود.
وەزارەتەگە لە بەیاننامەیگ راگەیان، " فەرمان د.ئارام محەمەد قادر وەزیر خوەنین باڵا و توێژینەوەی زانستی، 100% دەرچگەیل کەرکوک و شەنگال و خانەقین و ناوچە دابڕیاگەیل ترەک دەێشت ئیدارەی هەرێم کوردستان لە زانکۆگان هەرێم کوردستان وەرگیریانە کە شمارەیان نزیکەی هەزار خوەنەوارە.
وەزیر خوەنین باڵا لە پەیامیگ پیرۆزبایی لە گشت وەرگیریاگەیل ناوچە دابڕیاگەیل کرد وە تایوەت لە ناوچەیل
کەرکوک و شەنگال و خانەقین و و ئوشێد "چەندین ساڵە کارئاسانى تەواو کردیمنە ئەرا وەرگردن خوەنەوارەیل دەێشت ئیدارەی هەرێم کوردستان، وە تایوەت ئەو خوەنەوارەیلە خوەنیان کوردیە تا دەرفەت خوەنستن ئەرایان بڕەخسێد لە زانکۆگان هەرێم کوردستان.
