خنکیان گەشتیاریگ بەغدادی لەناو چەم "ئاڤا شین" لە باکوور دهۆک
شەفەق نیوز - دهۆک
سەرچەوەیگ ئەمنی، ئمڕوو جمعە، خەوەر دالە گیانلەدەسداین گەشتیاریگ لە خەڵک بەغداد وە خنکیان لەناو چەم "ئاڤا شین" لەناو سنوورەیل قەزای ئامێدی لە باکوور پارێزگای دهۆک.
سەرچەوەگە ئەرا ئاژانس شەفەق نیوز وت، کە گەشتیارەگە ناوەی (مستەفا)س، لە تەمەن سییەگانە، کەفتیەسە ناو ئاو چەمەگە لەوەرانوەر کۆمەڵگەی "سیرێ" گەشتیاری، و دیاری کرد کە خەڵکەگە تۊنستنە دەری بارن و بوەنەی ئەرا خەسەخانەی "شۆڕش هێتوت".
سەرچەوەگە هەمیش وت کە گەشتیارەگە لەناو خەسەخانە گیان لەدەس داگە وە مدوو رۊداو خنکیانەگە، وتیش کە تەرمەگەی ئەرا فەرمانگەی پزیشک دادوەری لە ئامێدی بریا ئەرا تەواوکردن رێکارە یاساییەیل.
ناوچە گەشتیاری و چەمەیل لە باکوور دهۆک پیشوازییگ فراوان لە گەشتیارەیل وەرز تاوسان، وەخوەیان دوینن، لەناو توومارکردن رۊداوەیل خنکیان دووارەکریاگ وە مدوو هاز تافەی ئاو و قۊلی بڕیگ لە شوینەیل، وەگەرد پابەندنەۊن وە رێنماییەیل قەیەغەکردن مەلەوانی.
