خنكيان کابرایگ بەغدادی لە ئاکرێ و پەیاکردن تەرم ژنیگ لەبان ئاو چەمیگ لە راپەڕین
2023-08-21T16:15:51+00:00
شەفەق نیوز/ وەڕیەوبەرایەتی وەرگری شارستانی لە قەزای ئاکرێ، لە پارێزگای دهۆک، ئمڕوو دووشەممە، خەوەردا لە پەیاکردن تەرم کابرایگ خەڵک بەغداد، وە خنکیان مردیە، و تەرم ژنیگیش لەبان یەکیگ لە چەمەیل راپەڕین پەیا کریا.
عەقید ئیبراھیم فەریق وەڕیەوبەر وەرگری شارستانی لە قەزای ئاکرێ ئەرا ئاژانس شەفەق نیوز وت: گەشتیاریگ لە تەمەن ٤٠ ساڵە لە ئەنجام خنکیانی لەناو چەم زەنتە خوەرهەڵات ئاکرێ گیانی لەدەسدا، وتیش؛ لایەنەیل ئەمنی تەرمەگە دراوردن، کە خەڵک بەغداد پایتەختە، و ئەرا پزشک دادوەری لە قەزای ئاکرێ بریا.
لەلاییگتریش، سەرچەوەیگ حکومەتی ئەرا ئاژانس شەفەق نیوز وت: دەسەڵاتەیل ئەمنی توەنستن تەرم ژنیگ درارن کە لەبان ئاو دەریاچەی دەربەندی ڕانیە، نزیک ئیدارەی راپەڕین پەیا کریا.
سەرچەوەگە وتیش: تەرمەگە هن ژنیگ سوری لە تەمەن ٢٤ ساڵان بوی، کە لە کەمپ ئاوارەیی بەردەڕەش نیشتەجییە، سەرچەوەگە وتیش: باوەتەگە دریا دەس فەرمانگەی تونوتیژی خیزانی ئەرا رەسین وە بندروس رویداوەگە.
