خزمەت پزشکی و خوەراک و مۆسیقای میللی لە فیستواڵ کەلەپووری و روشنهویری لە هەولێر.. وینە
خوەنەوارەیل بەشەیل جیاجیا لە زانکۆی جیهان لە شار هەولێر بەشداری لە فیستواڵەگە کردن.
عومەر مەحموود یەکیگ لە بەشداربویەی فیستواڵەگە ئەرا ئاژانس شەفەق نیوز ئویشێد: ئیمە خوەنەوارەیل بەش پەرستاری، ئمڕوو لەی فیستواڵە بەشداری کردیمن، ک بەشیگ لەلیمان خزمەت پزشکی زوینە پیشکەش کەێد، جویر تاقیکردن فشار خوین و شەکرە، وەگەرد فرووشتن بەرهەمەیل پزشکی و دەرمانەیل جوانکاری.
فیستواڵەگە نمایشکردن بڕیگ خوەراک و خواردن میللەتی لەناوی بوی.
لەلای خوەییش، سیما سەردار ئەرا ئاژانس شەفەق نیوز ئویشێد: لەی شوینە جویراجویر خوەراک میللی عراقی تایبەت وە جویراجویر شوین و پیکاتەیل پیشکەش کەیمن، جویر دۆڵمەی تورکمان و کوبەی کوردی و عەرەبی، ئەوەیش ئەرا بەرجەسکردن هەمەڕەنگی کەلتورەیل ناو عراق.
مۆسیقای میللی شوینیگ لەناو ئەو فیستواڵ هەمەڕەنگە داشت.
کامیران عەبدولعەزیز ئەرا ئاژانس شەفەق نیوز ئویشێد: مۆسیقای میللی لەناو فیستواڵەگە هەس، ک پارچە میوزک لە گورانیەیل کۆینە پیشکەش کریا، ئەرا دەوڵەمەنکردن فیستواڵەگە.
پەیامنێر ئاژانس شەفەق نیوز وت: بڕیارە فیستواڵەگە تا ماوەی یەک رووژ وەردەوام بوود.
