خانەقین داوەزین گەورایگ لە ژمارەی گەشتیارەیل لە جەژن نەورووز وەخوەی دوینێد
![خانەقین داوەزین گەورایگ لە ژمارەی گەشتیارەیل لە جەژن نەورووز وەخوەی دوینێد](https://media.shafaq.com/media/arcella/1616313419743.jpg)
شەفەق نیوز/ وەڕێۆبەرایەتی خانەقین، ئمڕوو یەکشەممە، دووپات کرد لە داوەزین ژمارەی ئاهەنگکەرەیل و گەشتیارەسل وەبۆنی جەژن نەورووز لەوەر پەتای کۆڕونا و تاقیکردنەوەیل نیمەی ساڵ، و راگەیان جیوەجیکردن پلانیگ ئەمنی و خزمەتگوزاری ئەرا مقەیەتیکردن کەشوهەوایل ئاهەنگەیل لە ناوچەیل قەزاگە.
دلێر حەسەن سایە قایمقام قەزای خانەقین ئەرا ئاژانس شەفەق نیوز وت: ژمارەی ئاهەنگکەرەیل لەناو خانەقین وە رێژەی ٤٠ - ٥٠٪ داوەزیا، وە بەراوردی وەگەرد ماوەیل وەرجە پەتای کۆڕونا، و دیاری کرد ک ژمارەی گەشتیارەیل ئەرا خانەقین لە ١٠٪ زیاتر نییە، بەراورد ساڵەیل گوزەیشتە ک هاتن ٣٠ هەزار گەشتیار لە رەوژەیل نەورووز تۆمار کریا.
و دووپات کرد ک دوێەشەو خانەقین دەسکردە ئاهەنگەیل نەورووز وە رووشنکردن مەشخەڵ نەووروز لەناو کەشوهەوایلیگ ئاهەنگی جیوازیگ، ئارامی و رێک رەفتاری باڵایگ لەلایەن ئاهەنگکەرەیل وەخوەی دی.
حەسەن ئاماژە کرد ک ئیدارەی خانەقین پلانیگ ئەمنی و خزمەتگوزاری تەواوەتییگ ئەرا مقەیەتیکردن شوونە گشتیەکان و رێکخستن جوولەی گەشتیارەیل جیوەجی کرد، و هەمیش وەگەرد هەڵمەتیل دار داناین لە کنارەیل ناوچەی بەنداو ئەڵوەن.
وتیش؛ پلانەگەی نەورووز لە گشت ناوچە ئارامەکان خانەقین وەشیوەی گونجیاییگ وەڕیەو چوود، و وەهەماهەنگی بەرزیگ لەناونی فەرمانگەیل و لایەنە پەیوەندیدارەکان لە جیوەجیکردن پلانەگە.