خانمە وەڕێوەبەر خەسەخانەیگ لە سلێمانی هوشداری دەێد: هاوسەرگیری وەرجەوەختە مناڵبوین قەیسەری زیای کەێد
شەفەق نیوز/ د. شلێر فایق، خانمە وەڕیەوبەر خەسەخانەی مناڵبوین لە سلێمانی، دووپات لەبان کاردانەوەی جددی ژیان هاوسەرگیری وەرجەوەختە وەبان تەندروسی دویەتەیل کرد، وتیش: دویەتیگ لە تەمەن نۆ ساڵی هاتێ لە روی لەشی بتوەنێد شوی بکەێد، بەڵام ئامادە نییە مناڵ بارێد.
یەیش لەناو کۆنگرەیگ رووژنامەوانی کە ئاژانس شەفەق نیوز ئامادەی بوی، کە فایق دووپات کرد کە نەڕەسین خا لەی تەمەنە هاتێ بوودە مدوو ئاڵووزیی تەندروسی راسی، چ ئەرا داڵگ یا کوورپەلە.
ئاشکرا کرد کە ئەو دویەتەیلە لە تەمەن بویچگ دووگیان بوون، وەتایبەتی لە خوار تەمەن هەژدە ساڵەو، وەخت دووگیانی و مناڵبوین کەفتە رخدارییگ گەورە، لەوانە خوینوەربوین و بیهووشبوین و زگچین، ببجگە لەوە کە تویش بیماریەیلیگ ترەک تیەن کە هاتی رخیگ لەبان ژیانیان دروس بکەێد.
وتیش: تەمەن گونجیاگ ئەرا دووگیانی و مناڵبوین لە ناوەین ٢٠ تا ٣٠ ساڵەس، تەنانەت لە تەمەن ١٨ ساڵیش هاتێ دویەت ئامادەکارییگ نەیاشتوود کە وەرپرسیارێتی دووگیانی و منداڵبوون وە شیوەیگ بیوەی هەڵکرێد.
د. شلێر فایق، باس نیگەرانیی لە زیایبوین هاوسەرگیری وەرجەوەختە لە کوردستان کرد، کە ئی دیاردە وە شیوەیگ وەرچەو لە دویای ماوەی جەنگ داعش دەس وە تەشەنەکردن کردگە، کە ریژەی هاوسەرگیری وەرجەوەختە لە کۆمەڵگا عەرەبییەیل و ناوچە کوردستانییەیل وەخود شیوە زیای کردگە.
دیاری کرد کە نزیکەی 50% نەشتەرگەرییەیل قەیسەری لە خەسەخانە ئەنجامدریەن، ئەرا دویەتەیل خوار تەمەن 18 ساڵان کریەن.
وتیش: خەسەخانەگە دویەتەیلیگ ئەرای هاتنە کە لە تەمەنیگ بویچگ شوی کردنە و مەوقەی مناڵبوین تویش ئاڵووزییە تەندروسییە گەورەیل بوین، جویر خوینوەربوین فرە و بیهووشی، کە ناچار تیم پزشکی کردیە زویوەزوی تەقەلا بیەن ژیانی رزگاربکەن.
