حکومەت کوردستان مزگانی دابەشکردن مووچە وەی نزیکە دەێد
شەفەق نیوز/ حکومت هەرێم کوردستان، ئمڕوو دووشەممە، راگەیان نزیەکەوبوین دابەشکردن مووچەی فەرمانبەرەیل، و ئاماژە کرد ک بانگەشە سیاسیەگان هانە پشت دیرکەفتن رەوانەکردن بایی ٣٢٠ ملیار دینار ئەرا هەرێم لەلایەن بەغداد.
جوتیار عادل قسەکەر وەناو حکومەت هەرێم لە وتاریگ تەلەفزیۆنی ئاژانس شەفەق نیوز چەودیریی کرد وت: لایەد بوی بەغداد بایی ٣٢٠ ملیار دینار وەگورەی رێککەفتن ناوبەین حکومەت فیدڕاڵی و هەرێم کوردستان رەوانە بکردیاد.
وتیش؛ لەوەر بانگەشە سیاسیەگان تا ئیسە پویلەکە رەوانە نەکریاگە.
عادل ئاماژە کرد ک هەولێر چەوەڕی رەوانەکردن پویلەکەس لە بەغدادەو، و ئەگەر رەوانەی نەکرد هەولێر وەی نزیکە دەسکەێدە دابەشکردن مووچەی فەرمانبەرەگان و خانەنشینەگان وەگورەی میکانزمیگ تر و لە ری داهاتە ناخۆییەگان.
وتیش؛ وەگورەی رێککەفتنەگەی ناوبەین هەرێم کوردستان و بەغداد، بڕیاربوی بەغداد مانگانە ٣٢٠ ملیار دینار ئەرا دویاترین سێ مانگ لەی ساڵە تا سەرەتای ساڵ ئایندە رەوانە بکردیاد، وەلی تا ئیسە رەوانەی نەکردگە.
