حکومەت هەرێم کوردستان لیست مووچەی ئێ مانگە دەێدە وەزارەت دارایی فیدراڵی
2025-06-25T17:30:13+00:00
شەفەق نیوز/ وەزارەت دارایی و ئابوور حکومەت هەرێم، ئمڕوو چوارشەممە، راگەیان، لیست مووچەی مانگ حوزەیران دانەسە دەس وەزارەت دارایی فیدراڵی.
وەزارەتەگە لە بەیاننامەیگ وە ئاژانس شەفەق نیوز رەسیە راگەیان ، "تیمیگ تەکنیکی لە وەزارەت دارایی و ئابوری حکومەت هەرێم کوردستان موچەی مانگ حوزەیران ئەرا فەرمانبەرەیل و سودمەندەیل هەرێم پێشکەش بەش ژمێریاری وەزارەت دارایی فیدراڵی کرد".
ئمڕوو چوارشەممە، چوودە ناو 42 هەمین رووژیان کە مووچە مانگ ئایار 2025 وەرنەگردنە، ئیەش لە وەختیگ کە هویچ هشارەیگ یەکلاکەر حکومەت سەبارەت وە دابینکردن بودجە لە بەغداد یا دابەشکردن لە سامانی هەرێم. هاوکات ئەنجوومەن وەزیرەیل هەرێم کوردستان لە ناوەین گردەوبوین هەفتانەی ئمڕووی خوەی پرس مووچەی فەرمانبەرەیل تاوتوێ کەێد.
