حکومەت هەرێم کوردستان فەرمان دیاریکردن بوودجەی هەڵبژاردن دەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، فەرمان تەرخانکردن بوودجەی هەڵبژاردن پەرلەمانی هەرێم لە مەوقەی دیاریکریاگ خوەی دا.
نۊسینگەی سرۆک حکومەت هەرێم لە بەیاننامیگ رەسیە ئاژانس شەفەق نیوز وت: لەبنەمای فەرمان هەرێمی شمارە ٣٣ لە رووژ ٢٤ شوبات ٢٠٢٢، لەدیاریکردن رووژ یەکەم لە تەشرین یەکەم ئایندە ئەرا ئەنجامدان هەڵبژاردن پەرلەمان کوردستان ئەرا خول شەشەم.
مەسرور بارزانی فەرمانیگ دەرکرد ک بڕیار تەمەیکردن دیوان سەرۆکایەتی ئەنجومەن وەزیرەیل، و گشت وەزارەتەیل و لایەنەیل پەێوەندیدار دەێد، وە هاوکاری کۆمسیۆن باڵای سەروەخوەی هەڵبژاردن و ریفراندۆم، وەخاتر دابینکردن بوودجە و گشت خوازینەیل هەڵبژاردن تا لە مەوقەی خوەی ئەنجام بیریەێد.
رووژ پەنجشەممەی گوزەشتە، نێچیروان بارزانی سه‌رۆک هه‌رێم کوردستان، لەبان فەرمانیگ هەرێمی واژوو کرد ک رووژ یەکەم لە مانگ تەشرین یەکەم ئایندە ئەرا مەوقەی ئەنجامدان هەڵبژاردن گشتی پەرلەمان کوردستان عراق دیاری کرد.
