حکومەت هەرێم کوردستان رییگ ستراتیژی ناوەین ناوچەیل کوردستان واز کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، پڕۆژەی ری سبیلک - خەلیفان و دەروازەی خەلیفان لە ئیدارەی سەروەخوەیی سۆران واز کرد.
بارزانی لە وتاریگ لە ئاهەنگ وازکردن پڕۆژەگە کە پەیامنێر ئاژانس شەفەق نیوز ئامادەی بوی وت: ئی پڕۆژەی گرنگە وەشیوەی گەورەیگ ئاسان جویلەی هاوڵاتیەیل کەێد، و ناوچە جیاجیایل وەیەکەو بەسێدەو، و سوودگردن لەلی لە بیوەیی و کەمکردن وەخت ئەرا مەردم ئاسانەو کەێد.
بارزانی دووپات کرد کە ئەوەیش لە هەڵمەت حکومەت کوردستان تیەێد کە تەقەلای بیناکردن ریوبان و جادەیل لە گشت ناوچەیل هەرێم کوردستان کرد، و خاسەوکردن کوالیتیی.
سەرۆک حکومەت هەرێم کوردستان دووپات لەبان کارکردن ئەرا وەیەکەو بەسانن گشت پارێزگایل و شارەیل و ئاوایەیل، تا زیان لە گیچەڵەیل هاتوچو نەوینن.
وتیش: ئەوەسە پڕۆژەیل لاو شوینەیلە جیوەجی کریەن کە تا ئیسە ئاوەدانکردن وەپییان نەڕەسیە وەپەت ری و جادەیگ.
