حكومەت هەرێم کوردستان: هیمان زیاتر لە ٧٠٠ هەزار ئاوارەی عراقی هانە ناو هەرێم
شەفەق نیوز/ دارا رەشید وەزیر پلانسازی لە حکومەت هەرێم کوردستان، ئمڕوو سێشەممە، راگەیان زیاتر لە ٧٠٠ هەزار ئاوارە لە ناوچەو شارەیل عراق هیمان هانە ناو هەرێم کوردستان.
رەشید لە وتاریگ لە هەلکردن راپۆرتیگ ناودەوڵەتی لە هەژمار دانیشتوی عراق وت: هەژمارەیل فرەیگ لە ئاوارەیل لە ناو و دەیشت عراق پەنا وە هەرێم بردن، وتیش؛ زیاتر لە یەک و نیم مەلیۆن ئاوارە لە دویای ساڵ ٢٠١٤ هاتنە ناو خاک هەرێم کوردستان، ک بویە قورسی گەورەیگ لەبان کۆمەڵگا و حکومەت.
و باس کرد ک زیاتر لە ٧٠٠ هەزار ئاوارەی عراقی لە هەرێم وەرەو میلکان خوەیان گلەو نەخواردنە.
دەربارەی هەژمار دانیشتوی گشتی لە وڵاتەگە، وەزیرەگە وت: دویای ١٨ەساڵ لە رمانن رژیم سەدام عراق توانای ئەنجامدان هەژمار دانیشتوی گشتی نەیاشت هەرچەن چەنی گرنگە.
و دیاری کرد ک ئەنجام نەیان هەژمار گشتی هێشت وەزارت پلانسازی لە هەرێم پەنا بوەێدە ریەیلیگ تر ئەرا ئامارەیل فەرمی.
