جەڵتەی دڵ کۆتایی وەژیان پولیسیگ تیارێد و پولیسیگ ماریگ لەناو شەوخەفەگەی پەیا کەید لە کەرکوک.. ڤیدیۆ
![جەڵتەی دڵ کۆتایی وەژیان پولیسیگ تیارێد و پولیسیگ ماریگ لەناو شەوخەفەگەی پەیا کەید لە کەرکوک.. ڤیدیۆ](https://media.shafaq.com/media/arcella/1713167171669.jpg)
سەرچەوەگە وە ئاژانس شەفەق نیوز خەوەردا، "پۆلیسەگە مەوقەی ئامادەبوین لە بنکەی راهێنان پۆلیس کەرکوک مردیە، کە بەشداری لە خولیگ راهێنان کردوێد ئەرا پلەبـەرزکردنەوە، لە دویای ماوەیگ لە هچان وەرگردن و دانیشتن لەناو ماشینەگەی وە مردی پەیاکریا دەرچگە وە جەڵتەی دڵ مردیە، کە خوەیشی بیماری وەگەردی بویە"،
دووپاتکرد "هێزیگ لە پۆلیس قوربانیەگە ئەرا فەرمانگەی پزیشک دادوەری لە خەسخانەی فێرکاری ئازادی کلکردنە، و لێکۆڵینەوە لە رویداوەگە وازکریا".
لە رویداویگ ترەک سەرچەوەگە ئاشکەرایکرد "پۆلیسیگ مەقەی ئاژادەبوین لە شوین کارەگەی لە یەکیگ لە بنکەیل پۆلیس کەرکوک، لەدویای کوتایهاتن ئەرکەگەی سەرسام بوود هەنای نووڕێد ماریگ چوار مەتری لە شوینەگەی خەفتیە و قەتوو ها بانی".
دیاریکرد "پۆلیسەگە مارەگە نەکوشتیە بەلکم وەرد هاوڕێەگانی لەناو جیەگەی بەرزیەوکردنە و خستنەسێ ناو سندوق ئەرا دوریرەوخستنی لەو شوین خەفتن پۆلیسەیل و ئەو ناوچە".