جه‌نراڵيگ ئسرائيلى: كورد سوريا ها وه‌رده‌م دو بژارده يه‌كيگيان وايينه وه‌ره‌و عراق
شه‌فه‌ق نيوز/ جه‌نراڵيگ ئسرائيلى, باوه‌ڕى ئه‌وه‌سه كورد له سوريا ها وه‌رده‌م دو بژارده و يه‌كيگيان وايينه وه‌ره‌و عراق، يا ئه‌وه‌سه روێ له قويلايى باشوور سوريا بكه‌ن و تا دويا سه‌ربازيگ جه‌نگ بكه‌ن.
تسورى ساغيه يه‌كيگه له‌و وه‌رپرسه‌يل سه‌ربازى ئسرائيليه ك نزيكه له كورد، ئه‌وه ده‌رخست ك گشت هه‌وڵيگ داگه ئه‌را ده‌سميه‌تداين كورد له‌ى قه‌يران ئيسه وباس له‌وه‌يش كرد وت: ئامووژگارى كورد ئه‌كه‌م متمانه وه رژيم ئه‌سه‌د نه‌كه‌ن، چوينكه ترس له ئاينده‌يان ديرم و وه‌و خاتريشه بايه‌سه روێ وه‌ڕوێ په‌لاماره‌يل بوونه‌و وه‌ل ئه‌وه‌گ شايه‌ت ئسرائيل كاريگ بكا ئه‌را ده‌سميه‌تداين كورد له‌ى وه‌خته‌يل سه‌خته.
يه‌يش باس كرد و وت: ئه‌وه‌گ ئه‌مريكا كرده‌ى وه‌رانوه‌ر وه كورد كاريگ گونجياگه ئه‌را ئه‌وه‌گ گشت ئسرائيلييگ هوير له هاوپه‌يمانى وه‌رگرى بكا وه‌ل وڵاته‌يل يه‌كگرتگ و نه‌فام ئه‌وه‌سه باوه‌ڕ وه‌و هاوپه‌يمانيه بكا، چوينكه هاوپه‌يمانى ناونى په‌خشه‌و فيل بوێ و شايه‌ت فيله‌گه هه‌ر وه‌ختيگ مه‌يل داشتوود باێده ناو نه‌ك وه‌چه‌واشه‌وه، ك ئمڕوويش دو بژارده ها نواى كورد سويا، يا ئه‌وه‌سه بهه‌يوان وه‌ره‌و عراق، يا ئه‌وه‌سه روێ له قويلايى باشوور بكه‌ن و باوه‌ڕميش ئه‌وه‌سه تا دويا سه‌رباز جه‌نگ وه‌ل توركه‌يل ناكه‌ن.
