جاف داواكاره پێشمه‌رگه‌يل زێمدار له‌وه‌ر چاره‌سه‌ر ره‌وانه‌ی ده‌يشت بكريه‌ن
2015-12-23T16:42:54+00:00
جاف له به‌ياننامه‌يگ ئه‌را(شه‌فه‌ق نيوز)وت: هه‌رێم كوردستان ناڵنێد وه‌ده‌س قه‌يران سه‌خت داراييه‌و وه بوونه‌ی ئه‌وه‌گ له‌ساڵ ٢٠١٤ تائيسه به‌شه بودجه‌ی وه‌پی نه‌درياگه‌و يه‌يش له‌يوا كردگه ك چاره‌سه‌ر زێمداره‌يل وه گووره‌ی ئه‌وله‌ويه‌ت له مه‌ترسی بدێ.
جاف ئاماژه وه‌يه‌ش كرد ك بڕيگ له تاكه‌يل پێشمه‌رگه له‌وانه‌گ زێمدارن چاره‌سه‌ر وه‌رناگرن يا چاره‌سه‌ريان دويا ئه‌كه‌فێد و يه‌يش ئه‌دێده هووكار خراوبوين حاڵةت ته‌ندروسيان و جارجاريگيش ئقليجی و كه‌مئه‌ندامی هه‌ميشه‌يی له‌لی ئه‌كه‌فێده‌و، ك وه‌و خاتريشه جاف جه‌خت له‌بان داين فيزا كرد وه‌و زێمداره‌يله ك هه‌وه‌جه وه چاره‌سه‌ر ديرن له ده‌يشت عراق.
