تۆیوتا ماشینیگی وە کوردیگ پیشکەش کەێد یەک ملیۆن کیلۆمەتر وە ماشینیگیان رانیە
![تۆیوتا ماشینیگی وە کوردیگ پیشکەش کەێد یەک ملیۆن کیلۆمەتر وە ماشینیگیان رانیە](https://media.shafaq.com/media/arcella/1724084538115.jpg)
تۆیوتا لە بەیاننامەیگ رەسیە ئاژانس شەفەق نیوز وت: نرخدارکردن ئەرا دڵسووزی و وەفاداری ئی بسینە کە توەنست ئی مدوو ئەڵاجەویە بووڕێد کە رەسێدە یەک ملیۆن کیلۆمەتر وە ماشین کۆرولای ٢٠١٤، ئی پیشکەش جیاوازە کەفتە دەسی کە لە تەنیا ریزگردنیگ ئەرا لایەنگریی زیاترە.
کۆمپانیاگە دووپات کرد کە ئەو ماشینە کە وەکاری هاوردیە، لەلی بریەێد و خریەێدە پیشانگایل تۆیوتا لە عراق، و بە یەکەمین جارە پیشکەشیگ وەیجویرە بیەیمنە بسینیج لە عراق، کە هیلێد ئی کارە جیاواز و ناوازە بوود.
لەلای خوەییش، کەرەم جەمیل خەڵک شار دهۆک، باس خوەشاڵیی وەی ریزلینانە کرد، کە ئەرا ئاژانس شەفەق نیوز وت: لە ساڵ ٢٠١٤ ئی ماشینە لە کۆمپانیا سەنم و هیمان وەناو خوەمە، لەی ماوە زیاتر لە یەک ملیۆن کیلۆمەتر وەی ماشینە رانیمە.
وتیش؛ رووژانە دویای نماز شەوەکی وەپی چیامە کار و ئەرا ماڵ وەپیەو گلەو خواردیام تا هوچانیگ بخوەم، ئیجا تا شەو کار کردیام، ئەوەسە هویر ئی ماشینە کەم کە وە درویژایی ١٠ ساڵ کار وەپی کردمە.
ئی چیرووکە واتەی وەسەربردن ماوەی فرە و قویل ناوەین ئایەم و ماشین نشان دەێد،مە ماشین تەنیا پارچە ئاسنیگ نەمەنیە، بەڵکم وەخت و یادەوەری وەگەردی مینێد.