تەهران خووی لە پەلامارەگەی هەولێر دویرەو خەێد
2021-02-16T12:29:25+00:00
شەفەق نیوز/ سەعید خەتیب زادە قسەکەر وەناو وەزارەت دەرەوەی ئیران، وە سەختی شەرمەزار ئەوە ک ناوی نا (تەقەلایگ کومانلیکریاگ) ئەرا توومەتبارکردن ئیران لە ڕووداوەگەی دوێەشەوین هەولێر، و رەت هەر کاریگ کرد ک ئاسایش عراق بخەێدە مەترسی.
زادە لە وتارەیلیگ میدیایل راگەیانن فەرمی ئیرانی ئمڕوو بڵاوی کردن وت: ئیران ئارامی و ئاسایش عراق وە باوەتیگ سەرەکی ئەرا ناوچەگە وهاوساگانی دانەێد، و رەت هەر کاریگ کەێد ک ئاسایش و ئارامی ئی وڵاتە بخەێدە وەر مەترسی.
قسەکەر وەناو دەرەوەی ئیران باس ئی کارەیلە کرد ک کومانلیکریاگە، و داوا لە حکومەت عراق کرد رینمایل وەشوونکەفتن تاونکارەیل و نواگردنیان دەرکەێد.
