تەندروسی کوردستان هووکار دیرهاتن واکسین کۆڕۆنا روون کەێد
![تەندروسی کوردستان هووکار دیرهاتن واکسین کۆڕۆنا روون کەێد](https://media.shafaq.com/media/arcella/1611762948624.jpeg)
شەفەق نیوز/ سامان بەرزنجی وەزیر تەندروسی هەرێم کوردستان، ئمڕوو چوارشەممە، هووکار دیرهاتن واکسین کۆڕۆنا روون کرد.
بەرزنجی لە وتاریگ لەناو کۆنگرەی ستراتیژی واکسین کۆڕۆنا لە هەولێر و هاوکاری وەزارەتەیل تەندروسی عراق و هەرێم کوردستان، وەبەشداربوین رێکخراو تەندروسی جهانی، و پسپۆڕەیلیگ لە بیماریە ڤایرۆسیەگان، ک تا دوو رووژ وەردەوام بوود، وت: کۆنگرەگە بوودە پاڵپشتیگ ئەرا تەقەلایل وەزارت تەندروسی لە کۆنتڕۆڵکردن ڤایڕۆس کۆڕۆنا، و ئاماژە کرد ک وەزارەت تەندروسی هەرێم کوردستان وە گرنگی نووڕێدە کۆنگرەگە و ئەو پسپۆڕەیلە ک لەناوی بەشدارن، چ وە راستەوخۆ یا وە ئۆنڵاین.
وتیش؛ داواکردن جیهانی لەبان واکسینەگە بویە هووکار دیرهاتن واکسین کۆڕۆنا، هەرچەن حکومەت هەرێم کوردستان داوای هاوردنی کردگە.
بەرزنجی دیاری کرد ک واکسینەگە جوور تەقەلایگە ئەرا کۆنتڕۆڵکردن ڤایرۆسەگە، ئەراوە بایەدە گشتی وە ریکارە مقەیەتیەگان پابەند بوون، چوونکە لە واکسینەگە گرنگترە.
و ئاماژە کرد ک هیمان ڤایرۆسەگە مەترسی دیرێد، هەرچەن تا رادەیگ وە تەقەلایل گشت لایەنەگان لە هەرێم کۆنتڕۆڵ کریاگە.