تەندروسی هەولێر ئاشکرای ووردەکاریەیل نوویگ ئەرا تووشهاتگەیل بنچینە نووەگەی کۆڕۆنا کەێد
![تەندروسی هەولێر ئاشکرای ووردەکاریەیل نوویگ ئەرا تووشهاتگەیل بنچینە نووەگەی کۆڕۆنا کەێد](https://media.shafaq.com/media/arcella/1613903750669.jpg)
شەفەق نیوز/ دکتۆر دلوڤان جەلال وەڕێۆبەر تەندروسی پارێزگای هەولێر، ئمڕوو یەکشەممە، وت: تووشهاتگەیل بنچینە نووەگە لە هەردوگ رەگەزەگەن و لە دانیشتوەیل پارێزگاگەن.
جەلال لە کۆنگرەیگ رۆژنامەوانی ئمڕوو وت؛ تەمەن تووشهاتنەگان هالە ناونی ٢٠ - ٤٠ ساڵان، ودویای دووارەکردن تاقیکردنە پزشکیەگان دەرکەفت ک هەڵگر ڤایرۆسە ئاڵشابویەگەن.
و دیاری کرد ک ئەو کاریگەریەیلە ک لەلای تووشهاتگەگان پەیا بوین، هەر خود کاریگەریەیل ڤایرۆس کۆڕۆنا بوین، بەڵکم ئاڵشتبویەگە زویتر بڵاو بوود، ئەراوە بایەتە دانیشتوەگان پابەند بوون وە ریکارە مقەیەتیەگان و دەمامەک وەکار بارن.
و ئاماژە کرد ک وەزارەت تەندروسی لە هەرێم چەودیری ڤایرۆسە نووەگە کەێد تا سەرچەوەی پەتاگە بزانێد، و جەخت کرد لە گرنگی سەختەوکردن ریکارەگان لەبان جموجوول گواستنەوە لەناونی هەرێم و ئەو شارەیل دەیشت هەرێم، دویای تۆمارکردن تووشهاتتەیل فرەیگ وە ڤایرۆسەگە لەلای عراق.