تەندروسی سلێمانی هوشداری لە بایکۆتکردن کادرەیل پزشکی دەێد و داوای بودجەی فریاکەفتن کەێد
![تەندروسی سلێمانی هوشداری لە بایکۆتکردن کادرەیل پزشکی دەێد و داوای بودجەی فریاکەفتن کەێد](https://media.shafaq.com/media/arcella/1694088001982.jpg)
هەورامی لەناو کۆنگرەیگ رووژنامەوانی کە ئاژانس شەفەق نیوز ئامادەی بوی، راگەیان: دیرکەفتن خەرجکردنی
مووچە گیچەڵ گەورەیگ دروس کردیە، ئەو باوەتەیشە زوور فرەیگ لەبان ئیمە هاوردیە، هاتێ پزشکەیل و کرێکارەیل خەسەخانەگە بایکۆت دەوام بکەن، کە یەیش بوودە کاریگەرییگ گەورە وە هاوبەشی وەگەرۆ بڵاوبوین بیماری کۆلێرا لە پارێزگاگە و بیوەیی بیمارەیل.
هەورامی داوا لە وەزیر تەندروسی و ئەنجومەن وەزیرەیل حکومەت هەرێم کوردستان کرد، مووچەی تەندروسی بخەنە نوا، ئەگەریش ئاڵشتکاری لە خشتەی مووچەگە بکریەێد، داوا کەیمن رووژانە مووچەی چەن خەسەخانەیگ یا دامەزراوەیگ تەندروسی هاوتەریب وەگەرد ئەو وەزارەتەیل ترەک خەرج بکریەێد، و باس گرنگی خەرجکردن مووچەی وەزارەت تەندروسی لە ماوەی هەفتەیگ یا 10 رووژ کرد.
لەباوەت خوازینەیل ئەرا بیماری کۆلێرا، هەورامی دووپات کرد کە وەزیر تەندروسی لە حکومەت هەرێم کوردستان وە میهرەبانییەو پەیمان دابینکردن بڕیگ مەرج دا، چوینکە گشت لاییگ زانن کە ئی بیماریە وەناکاوەو هات و مەرج تایبەت خوازێد، ئیمەیش رەوش دارایی هەرێم کوردستان بەرز نرخانیمن، ئەراوە ئیمە داوای گشت خوازینەیلمان نەکردیمن، و تەقەلا دایمنە ئەوەگ کە دیریمن ئەرای دابین بکەیمن ئەرا رویوەڕویبوین پەتاکە، بەڵام ئیسە بودجەیگ زویوەزی خوازیمن ئەگەر حکومەت هەرێم بتوەنێد ئەرامان دابین بکەێد.