تەندروسی سلێمانی ئاشکرای ئەنجام لێکۆڵینەوە لە ژەهراوبوین ١٠٠ فێرخواز کەێد
شەفەق نیوز/ دەسەی لێکۆڵینەوە لە وەڕێەوبەرایەتی تەندروسی گشتی سلێمانی، ئمڕوو شەممە، ئەنجامەیل لێکۆڵینەوە لەو مەکتەوە راگەیان ک ١٠٠ فێرخواز لەناوی تویش وڕبوین و ئەڵاوردن هاتن، لەوەر ئاو بیرەیل بویە ک ئەرا نووشین خاس نییە.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: لە رووژ ٢٢/٩/٢٠٢٢ زیاتر لە ١٠٠ مناڵ خوەنەوار لە یەکیگ لە مەکتەوەیل سلێمانی، تویش وڕبوین و ئەڵاوردن هاتن، وهاتنە سەردان خەسەخانەی دکتۆر جەماڵ ئەحمەد راشد، و دیاری کرد ک وەڕیەوبەر تەندروسی گشتی فەرمان وە دەسەیگ هاوبەش تایبەت دا ( سەرپەرشتیاری تەندروسی، یەکەی ئاو، تەندروسی مەکتەو) تا بکەفنە شوین بندروس ئەو بیمارەیلە وەشیوەیگ راستەوخۆ و نموونە لەو ئاوە بووەن ئەرا وەشکین کارخانەیی.
بەیاننامەگە وتیش: دەسەیل وە سەرپەرشتی وەڕیەوبەرەیل مقەیەتیکردن تەندروسی و چەودیریکردن تەندروسی لە سلێمانی دروس کریا و سەردان مەکتەوەگە کردن، و دویای وەشکین دەرکەفت ک ئەو خوەراکە لەناو مەکتەوەگە وەشیوەیگ نا تەندروسی دروس کریەێد.
دیاری کرد ک دویای بردن نوومەیلیگ لە ئاو مەکتەوەگە، دەرکەفت ک ئاوەگە ک سەرچەوەگەی لە (بیریگ) هاوردیاگە بەکتریا هاناوی و ئەرا نووشین خاس نییە.
