تەقینەوەیگ لە دهۆک و پەیاکردن تەرم ژنیگ لە سلێمانی

شەفەق نیوز/ وەرێوبەرایەتی پۆلیس دهۆک، ئمڕوو دوشەممە، هۊردەکاریەیل تەقینەوەگە ک دۊیەشەو دەنگ رممەی بەرز بۊیە ئاشکەرای کرد، وەگەرد ئەوە هێزەیل ئەمنی تەرم ژنیگ لە سلێمانی پەیاکردنە.    

وەرێوبەرایەتیەگە لە بەیاننامەیگ رەسیە ئاژانس شەفەق نیوز وت: " دەنگ تەقینەوەی گەپیگ دۊیای ساعات 12 نیمە شەو لە ناوەن شارەگە هاتگە، هێزەیل پۆلیس وەزۊی خوەیان رەساننە  شۊن رووداوەگە، دەرچگە رممەگە لە ئەنجام تەقین بتوڵ گاز لەناو مالیگ بۊیە.    

وتیش؛ " تەقینەوەگە بۊیە مدووی زەخمداری سێ هاوڵاتی وە زەخمەیل جیاواز، ئەرا خەسخانە کلکریانە ئەرا وەرگردن چارەسەر پێویست".    

لە لاییگتر، سەرچەوەیگ ئەمنی وە ئاژانس شەفەق نیوز خەوەردا، " هێزەیل ئەمنی تەرم ژنیگ کوشیای پەیاکردنە،  شۊن گولە لە لەشی دیارە، لە ناوچەی بەکرەجۆ لە سلێمانی".    

سەرچەوەگە وتیش؛ " ماشین فریاگوزاری تەرمەگە ئەرا فەرمانگەی پزیشک یاسایی بردیە، هێزەیل ئەمنی لێکۆلینەوە لە رووداوەگە واز کردنە ئەرا ئاشکەراکردن چۊنیەتی رووداوەگە".