تەقەلای مقیەتیکردن زاراوەی فەیلی لە خانەقین
![تەقەلای مقیەتیکردن زاراوەی فەیلی لە خانەقین](https://media.shafaq.com/media/arcella/1646035091612.jpg)
شەفەق نیوز/ لە ناوەند کەلتووری خانەقین، بڕیگ لە روشنهۊرەیل شارەگە، تەقلا دەن لە زاراوەی کوردی فەیلی مقیەتی بکەن، و قسە کۆنەیلە دووارە بارنە یاد و وەکاریان بارن.
دۊکە شەممە، دۊەم گردەوبۊن لەلایەن روشنهۊرەیل شار خانەقین، لە ناوەند کەلتووری خانەقین ئەنجام دریا، لە تەقەلایگ ئەرا مقیەتیکردن قسەیل نەوەی کۆنە لەلای نەوی نوو، تا دووارە ئەو ووشەیلە وەکار بارن.
ئی کۆڕە وەشیوەی پرسیارکردن لەچەن ووشەیگ کۆنە لەلایەن پیاوە وەتەمەنەیل لە گەنجەیل کریەێد، و لە دۊادۊای کۆڕەگە خەڵات دریەێدە ئەو کەسەیلە ک فرەتر لەو ووشەیلە زانن.