١٩٥ تۊشهاتن و ٩ مردن وە کۆڕۆنا لە هەرێم کوردستان
2021-12-15T14:05:26+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو چوارشەممە، راگەیان توومارکردن ١٩٥ تۊشهاتن نوو و ٩ مردن وە ڤایرۆس کۆرۆنا لە ماوەی ٢٤ سەعات گوزەشتە لە گشت ناوچەیل هەرێم کوردستان.
وەزارەتەگە لە بەیاننامەیگ رەسیە ئاژانس شەفەق نیوز وت: لە ماوەی ٢٤ سەعات گوزەیشتە ٤٥٥٦ تاقیکردنەوە ئەنجام دریا، لەناویان ١٩٥ تۊشهاتن نوو وە ڤایرۆس کۆڕۆنا ئاشکرا بۊی.
وتیش: ٣٥١ بیمار لە پەتاگە خاسەو بۊین، و ٩ بیمار تر مردن.
وەزارەتەگە وتیش: گشت شمارەی تۊشهاتنەیل رەسیە ٣٧٩٠٥٥ ، ٧٠٢١ لەلیان مردیە، و ٣٦٨٤٧٧ خاسەو بۊینە.
