٢٩ تۊشهاتن و یەک مردن وە ڤایرۆس کۆرۆنا لە هەرێم کوردستان
2022-03-26T15:18:22+00:00
شەفەق نیوز/ وەزارەت تەندروسی لە هەرێم کوردستان، ئمڕوو شەممە، راگەیان توومارکردن ٢٩ تۊشهاتن نوو وە ڤایرۆس کۆرۆنا لەماوەی ٢٤ سەعات گوزەشتە، تا گشت شمارەگە بڕەسێدە ٤٣٥٩٧٩.
وەزارەتەگە لە بەیاننامیگ رەسیە ئاژانس شەفەق نیوز وت: ٨١ بیمار لە پەتاگە خاسەو بۊن، تا گشت شمارەی خاسەوبۊەیل بڕەسێدە ٤٢٧٤٥٥.
وەزارەتەگە وتیش: یەک مردن لەماوەی ٢٤ سەعات گوزەشتە توومار کرد، تا گشت شمارەی مردنەیل بوودە ٧٤٢٨.
