توومارکردن پلەی گەرمی بەرزیگ لە هەرێم کوردستان و مەزەنەی وارانوارین کریەێد

شەفەق نيوز/ وەڕیەوبەرایەتی کەشناسی و زەویلەرزەناسی لە هەرێم کوردستان، ئمڕوو جمعە، بەرزەوبوین پلەی گەرمی وەگەرد ئەگەر زاران سووکیگ لە بەشیگ ناوچەیل کویەی باکوور خوەرهەڵات لە ماوەی 48 ساعەت ئایندە راگەیان.

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: کەشوهەوای ئمڕوو جمعە، نیمچە هەورە تا هەور تەواوە لە گشت ناوچەیل هەرێم کوردستان، و تونەی وا لە 10 تا 20 كم/س، وەگەرد گورجییگ وەختانە هاتێ بڕەسێدە 25 كم/س، وەرەو باکوور خوەرهەڵات.

وتیش: ئاست نووڕستن ناوەین 8 تا 10 کیلۆمەترە، وەگەرد توومارکردن بەرزەوبوین سووکیگ لە پلەی گەرمی وەرانوەر دویەکە.

رووژ شەممە، مەزەنە کرد کەشوهەوا ناوەین نیمچە هەو و وەرەو هەور تەواوی بچوود، وەگەرد مەزەنەی نمە وارانیگ لە ناوچەیل کویە لە باکوور خوەرهەڵات هەرێم، و تونی وا لە 15 تا 25 كم/س، وەرەو باکوور خوەرهەڵات، وەگەرد داوەزیان سووکیگ لە پلەی گەرمی وە یەک تا دوو پلە مەزەنە کریەێد، و ئاست نووڕستن لە 6 تا 8 کیلۆمەترە.

دیاری کرد کە ئیدارەی گەرمیان بەرزترین پلەی گەرمی توومار کەێد رەسێدە 44 پلەی سەدی، کەرکوک 41 پلە، هەڵەبجە 40 پلە، زاخۆ 39، هەولێر و سلێمانی و دهۆك 38 پلەر ئیدارەی سۆران 35، حاجی ئۆمەران خوارترین پلەی گەرمی توومار کەێد وە 22 پلەی سەدی.