١٣ تووشهاتن نوو وە کۆڕۆنا لە ناوچەیل ئیدارەی سەروەخوەیی
![١٣ تووشهاتن نوو وە کۆڕۆنا لە ناوچەیل ئیدارەی سەروەخوەیی](https://media.shafaq.com/media/arcella/1611041338287.jpg)
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن ١٣ تووشهاتن نوو وە ڤایڕۆس کۆڕۆنا لە ناوچەیل ئیدارەی سەروەخوەیی لە ماوەی ٢٤ ساعەت گوزەیشتە.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: تووشهاتنە نووەگان ٦ پیاو و ٧ ژن بوین.
تووشهاتنە نووەگان وەیجوورە بەشەوە بوین: حەسەکە ٣، دێریک ١، ریقە ١، تەبەقە ٦، دێر زۆر ٢.
هەمیش ئیدارەی سەروەخوەیی دوو خاسەوبوین تۆمار کرد، وهیچ مردنیگ تۆمار نەکریا.
ژمارەی تووشهاتنەگان وە کۆڕۆنا لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ٨٥٥٣ لەلیان ٢٩٦ مردنە و ١٢٢٤ خاسەوبوینە.