توركيا له كرده‌وه‌يگ ئاسايشى دژ په‌كه‌كه بيس كه‌س ده‌سگير كرد
2015-09-20T09:15:44+00:00
له به‌ياننامه‌يگ له‌لايه‌ن ولايه‌ت هه‌كاريه‌و ك(شه‌فه‌ق نيوز)ئاگادارى بوى، ئه‌وه ده‌ركه‌فت ك هيزه‌يل ئاسايشى 4 كه‌س وه هجه‌ت گومانليكردن ده‌سه‌وه‌سه‌ر كردگه له‌ئاكام ئاگر وه‌رداين له ده‌زگايه‌يل گشتى و به‌شداريكردن له په‌لاماره‌يل.
له‌لايگ تريشه‌و ئاژانس ئه‌نادۆل توركى ئه‌وه ده‌رخست ك يه‌كيگ له دادگايه‌يل ولايه‌ت مووش بريار ده‌سگيركردن دو كه‌س تر داگه دوياى تومه‌تباركرنيان ك سه‌ر وه په‌كه‌كه بوينه‌و له ويلات شانلى ئۆرفه‌يش دادگا بريار 14 كه‌س تر ده‌ركرد وه هه‌مان مه‌رام.
