ته‌ياره‌يل توركى ناوچه‌يگ له هه‌رێم كوردستان بۆردمان كردن و سێ پێشمه‌رگه زه‌خمدار بوين
2019-06-05T15:17:15+00:00
شه‌فه‌ق نيوز/ سێ كه‌س له هيزه‌يل پيشمه‌رگه له ئه‌نجام بۆردومانيگ ته‌ياره‌يل توركى زه‌خمدار بوين ك ناوچه‌ى "برادۆست" له هه‌رێم كوردستان گرته ئامانج.
له‌و باوه‌ته‌و، سه‌رچه‌وه‌يگ وه‌رپرس ناوچه‌يى ئه‌را شه‌فه‌ق نيوز وت: ته‌ياره‌يل جه‌نگيى توركى ناوچه‌ى بردۆست بۆردمان كردنه‌و ئاگريش وه‌ربويه له رويوه‌ره‌يليگ كشتوكاڵى له ناحيه‌ى سيده‌كان.
سه‌رچه‌وه‌گه هه‌ميش وت: دوياى ئاگرگرتن ئه‌و روێوه‌ره‌يل كشتوكاڵيه شماره‌يگ پێشمه‌رگه ره‌سينه‌سه شوون ئاگره‌گه ئه‌را كوشاننه‌وه‌ى، وه‌لێ دوباره ته‌ياره‌يل توركى ده‌سكردنه‌سه بۆردومانكردن و سێ پێشمه‌رگه زه‌خمدار بوينه‌و يه‌كيگيان زه‌خمه‌گه‌ى سه‌خته.
